تنگی رزق سے نجات کے آٹھ اعمال

تنگی رزق سے نجات 

اگر کسی شخص پر تنگی رزق وارد ہو تو چاہئے کہ بعد از نماز فجر کام پر جانے سے پہلے اس اسم پاک ” یا رزاق” کو 1100 مرتبہ پڑھے ایسا کبھی نہ ہوگا کہ وہ خالی واپس آئے۔ اس کے علاوہ اگر کوئی شخص اس اسم پاک کو باوضو کھلا پڑھتارہے تو اللہ تعالی کی ذات پڑھنے والے پر اپنے رزق کے خزانے کھول دیتی ہے۔

کبھی رزق میں کمی ناہو 

 اگر کوئی شخص رات سوتے وقت اور صبح اٹھنے پر اس اسم پاک کو ” یا رزاق “33 مرتبہ پڑھنے کا معمول بنائے تو اس کے گھر میں ہمیشہ خیر و برکت رہے گی اور کبھی رزق میں کمی نہ ہوگی ۔

رفع غربت 

جس شخص کی آمدن اخراجات سے قلیل ہو اور وہ ہمیشہ غربت کا شکار رہتا ہو اسے چاہئے کہ اس اسم پاک ” یا رزاق ” کو سونے سے پہلے اول و آخر 11 مرتبہ درود پاک کے ساتھ 308 مرتبہ پڑھنے کا معمول بنالے سونے سے پہلے دو نفل شکرانہ ادا کر کے مفلسی اور غربت کے خاتمے کی دعا کرے ان شاء اللہ اس کی آمدن اس کے اخراجات سے بڑھ جائے گی۔ اس کے علاوہ مندرجہ بالا حالات کے لیے سائل کو چاہیے کہ اپنے مکان کے چاروں کونوں میں بیٹھ کر قبلہ رو ہو کر اس اسم پاک کو 4141 مرتبہ پڑھے اول و آخر 5 مرتبہ درود پاک پڑھے اور کوشش کرے کہ یہ ذکر اس کا معمول بن جائے۔ تو اللہ تعالی جل شانہ اس اسم پاک کی برکت سے پڑھنے والے کی مفلسی دور کر دے گا۔

مالی پریشانی کا حل

 پوری دنیا میں معاشی معاملات میں اتار چڑھاؤ اس قدر زیادہ ہے کہ ہر دوسرا شخص معاشی بد حالی کا شکار ہے۔ اس معاشی بدحالی کی ایک وجہ یہ بھی ہے کہ لوگ اپنی معاشی معاملات کی اصلاح کے لیے اللہ کی بجائے دنیاوی عاملوں کے چکر میں پڑ جاتے ہیں۔ اگر وہ اللہ کے حضور درخواست کریں تو ان کے معاشی معاملات بہتر ہو سکتے ہیں۔ اگر وہ حضور نبی کریم (صلی اللہ علیہ وآلہ وسلم ) پر درود و سلام بھیجے اور اللہ کے اس مبارک و مطہر اسم کو پڑھنا معمول بنا لے تو یقیناً اس کی مالی پریشانی کا حل نکل آئے گا انسان جب پریشان ہوتا ہے تو عاملوں یا جوتشیوں کے پاس جا کر اپنے کئی گھنٹے برباد کرتا ہے تو کیا اللہ تعالی کے لیے اس کے پاس وقت نہیں ہے؟ مزید یہ کہ اگر کوئی شخص مالی پریشانی میں مبتلا ہو تو وہ ” یا رزاق ” 313 مرتبہ روزانہ پڑھے یاد رہے کہ اس عمل میں اول و آخر 7 مرتبہ درود پاک پڑھنا اور اس میں 10 منٹ سے زیادہ کا وقت نہیں لگتا اس وظیفے کی مدت انسان کی ضرورت کے مطابق ہے۔ یعنی مالی پریشانی کا حل اسے جلدی چاہیے تو 7 دن یا 11 دن اور اگر وہ کچھ وقت اس پریشانی میں گزار سکتا ہے تو اسے چاہیے کہ وہ 40 دن اس وظیفے کو کرے اور اکتالیسویں دن یا رزاق 313 مرتبہ اول و آخر 7 مرتبہ درود پاک کے ساتھ پڑھ کر دو نفل حاجت ادا کرے اور اس کے بعد مالی پریشانی سے نجات کی دعا کرے۔ ان شاء اللہ العزیز وہ مالی پریشانی سے نکل آئے گا۔ بلکہ آئندہ کے لیے بھی وہ اس تکلیف سے محفوظ رہے گا۔

رزق کے حوالے محتاجی نا ہو

 انسان کی زندگی اتار چڑھاؤ کا نام ہے کبھی خوشی کبھی غم کبھی تونگی کبھی غربت کبھی دکھ بھی سکھ، نقطہ اس میں یہ ہے کہ جو شخص ہر حال میں اللہ کا شکر ادا کرتا ہے اور اس سے ڈرتا ہے تو اللہ تعالیٰ نہ صرف اسے تکالیف سے بچالیتا ہے بلکہ اسے رزق کی تنگی بھی نہیں ہونے دیتا۔ سورۃ طلاق میں اللہ تعالیٰ جل شانہ نے فرمایا: ” اور جو شخص اللہ سے ڈر جاتا ہے اللہ اسے مشکلوں سے نکال لیتا ہے اور اسے ایسی جگہ سے رزق پہنچاتا ہے جہاں سے اس کا گمان بھی نہیں ہوتا۔ شکوہ نعمتوں کو ختم کرتا ہے اور شکر سے نعمتوں کی ابتداء ہوتی ہے جو کہ انتہاء تک پہنچ جاتی ہے۔ جو شخص چاہے کہ اس کے مال پر خیر و برکت رہے اس کو مالی پریشانی نہ ہو کسی کا محتاج نہ ہونا پڑے اور اس کی جیب بھی دولت سے خالی نہ ہو تو اسے چاہیے کہ وہ اس اسم پاک کو”یا رزاق” 308 مرتبہ اول و آخر 11 مرتبہ درود شریف پڑھنے کا معمول بنا لے تو ان شاء اللہ ساری زندگی اس کے مال میں خیر و برکت رہے گی مالی پریشانی سے محفوظ ہو گا۔ اور ایسا شخص کبھی بھی کسی کا محتاج نہیں ہو گا ما سوائے اللہ کے۔ ان شاءاللہ الکریم

تنگدستی سے چھٹکارا

 تنگدستی دور کرنے کے لئے ذیل کا عمل کارگر ہے۔ اس مقصد کے لئے بعد از نماز عشاء اور فجر تین سو مرتبہ کلمات ذیل پڑھ کر اللہ رب العزت کی بارگاہ میں دعا مانگیں۔ بہت جلد بہ فضل ایزدی تنگدستی ، فراخ دستی میں بدل جائے گی۔ کلمات یہ ہیں۔ يَا بَاسِطُ يَا مُنْعِمُ بِحَقِّ لَا إِلهُ اللَّهُ مُحَمَّدٌ الرَّسُولُاللَّهِ.

مالی پریشانی کا حل

 مالی پریشانیوں میں مبتلا حضرات کے لئے ذیل کا عمل مجرب اور مفید ہے۔ اس مقصد کے لئے بعد نماز فجر اور نماز عشاء مندرجہ ذیل کلمات کا سجدے میں گر کر کثرت سے ورد کریں اور اس کے بعد اللہ کے حضور دعا مانگیں ۔ ان شاء اللہ اس عمل کے بدولت بہت جلد رزق میں روز افزوں ترقی شروع ہو جائے گی اور مالی پریشانیاں دور ہو جائیں گی۔ يَا اللّٰهُ يَا رَزَّاقُ سات مرتبہ پھر لَا إِلهُ إِلَّا اللّٰهُ مُحَمَّدَ الرَّسُولُ اللّٰهِ

حل المشكلات

 ہر مشکل حل کے لئے ذیل کا عمل بے حد مفید ہے۔ اس مقصد کے لئے ہر نماز کے بعد ایک سو ایک مرتبہ ذیل کے کلمات پڑھ کر اللہ کے حضور دعا مانگیں۔ انشاء اللہ اس عمل کی بدولت اکتالیس یوم میں مشکل پردہ غیب سے حل ہو جائے گی۔ ورد شروع کرنے سے پہلے حسب توفیق خیرات فقراء میں تقسیم کریں۔ کلمات یہ ہیں۔ بسمِ اللهِ الرَّحْمَنِ الرَّحِيمِ. يَا اللهُ يَا حَيُّ يَا قَيُّومُ سات مرتبہ بَحقَ لَا إِلَهَ إِلَّا اللهُ مُحَمَّدٌ الرَّسُولُ اللّٰهِ