حروف صوامت کی زکوۃ سے متعلق چند اہم باتیں

حروف صوامت کی زکوۃ چاند گرہن یا سورج گرہن میں نکالی جاتی ہے۔ سورج گرہن کی زکوۃ چاند گرہن کے مقابلے میں زیادہ طاقت ور اور مؤثر ہوتی ہے۔ گرہن کی معلومات علم فلکیات، علم توقیت والوں سے لی جاسکتی ہیں، اب تو مختلف ویب سائٹس پر بھی کافی حد تک اس کی درست معلومات مل جاتی ہیں۔ جس ملک یا شہر میں زکوۃ نکالنی ہے وہاں گرہن ہونا ضروری ہے۔ جتنا گرہن مضبوط ہو گا اتنی ہی زکوۃ مضبوط و مؤثر ہو گی۔
حروف صوامت کے کل اعداد 543 ہیں، اس لیے ان کی زکوۃ نکالتے وقت انہیں اتنی ہی تعداد میں لکھا جائے گا، لکھتے وقت گرہن کا لگا ہونا ضروری ہے، اگر چہ گرہن شروع ہوتے ہی لکھنا شروع کر دیں۔ درمیان میں لکھیں یا گرہن کا عروج ختم ہونے کے بعد لکھیں۔ الغرض لکھائی کی شروعات گرہن لگنے کے بعد ضروری ہے اختتام ضروری نہیں۔ لیکن عام طور پر گرہن کا وقت ڈیڑھ دو گھنٹے ہوتا ہی ہے۔ مثلاً پاکستان میں اگر گرہن کا کل وقت ڈیڑھ گھنٹہ ہے جو صبح 9 بجے سے 10:30 تک ہو گا تو اب 9 بجے، سوا نو بجے، ساڑھے نو بجے کسی بھی وقت جو بھی لکھے گا اگر چہ 10:30 کے بعد مکمل کرے اس کی زکوۃ ادا ہو جائے گی۔ جب زکوۃ نکالنی ہو تو پہلے لکھ کر دیکھ لیں کہ آپ ان حروف کو کتنی دیر میں لکھ سکتے ہیں۔ پہلے 100 دفعہ لکھ لیں اور پھر مکمل تعداد کا حساب لگالیں۔ مثلا آپ نے 10 منٹ میں 100 بار لکھ لیا تو آپ ایک گھنٹے میں 543 بار لکھ سکتے ہیں۔ اب ایک گھنٹے کے دو حصے کر لیں یعنی 30/30 منٹ۔ اب جب گرہن کا وقت عروج پر ہو گا مثلا 9 بجے تو آپ اس سے 30 منٹ پہلے یعنی 8:30 پر لکھنا شروع کر دیں۔ یہ سب سے بہتر وقت ہے،ور نہ جب گرہن کا آغاز ہو جائے یا عروج ختم ہو جائے پھر بھی لکھ سکتے ہیں۔ زکوۃ نکالنے کے لیے جتنا شرائط پر سختی سے عمل کریں گے ، اہتمام کریں گے زکوۃ اتنی زیادہ موثر اور مضبوط ہو گی۔ ان شاء اللہ