گرہن والے دن یا رات کی معلومات پہلے سے لے کر ایک دو گھنٹہ پہلے ہی تیاری کر لیں۔ حاجات طبعیہ سے اچھی طرح پہلے ہی فارغ ہو جائیں۔ ہو سکے تو غسل، نہیں تو وضو کر کے نئے کپڑے ورنہ صاف ستھرے دھلے ہوئے کپڑے پہن لیں۔خوشبو لگالیں۔ زکوۃ کی ادائیگی کے لیے بہتر یہ ہے کہ بند کمرے کا انتظام کریں جہاں کسی کی آمد ورفت نہ ہو اور اس میں عود و غیرہ سلگا لیں۔ کسی کھلی جگہ بھی لکھ سکتے ہیں۔ گھر والوں کو بھی متنبہ کر دیں کہ فلاں وقت کے اندر کسی کی آمد ورفت نہ ہو اور کوئی آپ کو ڈسٹرب نہ کرے ورنہ زکوۃ خراب ہونے کا اندیشہ ہے۔ دور کعت نماز ادا کریں اور رب تعالیٰ کی بارگاہ میں زکوۃ کی درست طریقے سے ادائیگی کی دعا کریں زکوۃ ادا کرتے ہوئے کسی سے بھی کلام کرنا سخت ممنوع ہے بلکہ نقصان کا اندیشہ ہے ، خاموش رہناضروری ہے ، ہاں اگر کوئی بہت زیادہ ضروری کام ہو بھی تو لکھ کر بات کر لیں، زبان سے ہر گز بات نہ کریں ورنہ زکو خراب ہو جائے گی اور رجعت کا بھی سامنا ہو سکتا ہے اگر بالفرض کسی وجہ سے زکوۃ خراب بھی ہو جائے تو رجعت کی صورت میں اس کا علاج کریں اور رجعت نہ ہو اور گرہن کا وقت بھی باقی ہو تو دوبارہ اہتمام کر کے دوبارہ زکوۃ کی ادائیگی کی کوشش کریں۔ لکھنے کے لیے بالکل سفید کاغذ بغیر لکیروں والا لے لیں۔ ایک عدد کالا بین، مار کر ، یا کالی پینسل لے لیں۔ زعفران سے لکھنا سب سے بہتر ہے لیکن تجربہ نہ ہونے کی صورت میں آزمائش کا سامنا بھی ہو سکتا ہے لہذا بہتر ہے کہ کسی مار کر ، پین یا پوائنٹر وغیر ہ کا انتظام کر لیں۔ بیرونی مداخلت سے بچنے کے لیے موبائل کو بالکل بند کر دیں یا ایئر پلان موڈ پر لگالیں تاکہ کال اورمیسیج وغیرہ نہ آسکیں، صحیح وقت پر شروع کرنے کیلئے گھڑی کا بھی انتظام کر لیں۔تمام انتظامات کرنے کے بعد سب سے پہلے اپنے گرد حصار باندھ لیں۔حروف صوامت کی زکوۃ لکھ کر نکالی جائے گی۔ لکھنے کا طریقہ یہ ہے کہ جیسے ہی گرہن کا وقت شروع ہو جائے تو سب سے پہلے ایک لمبا سانس اندر کی جانب لیں اور سانس بند کر کے جتنا لکھ سکتے ہیں لکھ لیں، اور پھر سانس خارج کر دیں، اب پھر سانس اندر کی جانب کھینچیں اور پھر لکھنا شروع کر دیں، جب سانس باہر نکال ہو تو لکھنا روک دیں، پھر سانس اندر کھینچ کر دوبارہ لکھیں، یوں 543 کی تعداد پوری کر لیں زکوۃ میں مجموعے یعنی (احد رسص طعک لموہ) کو لکھیں گے۔ ایک لائن میں ایک مجموعے کو مکمل لکھیں آدھانہ لکھیں، چاہیں تو 2 بار لکھیں چاہیں تو 3 بار لکھیں لیکن مکمل ہو ۔ توڑ کر یا آدھا نہ لکھیں کہ اسے شمار کرنے میں پریشانی کا سامنا ہو سکتا ہے۔ ہو سکے تو پہلی لائن میں جتنی بار لکھا ہے آگے ہر لائن میں اتنی ہی بار لکھیں، نارمل وقت میں اس کی پہلے سے ہی پریکٹس اور اعداد و شمار کر لینا بہترہے۔ مکمل تعداد یعنی 543 بار لکھنے کے بعد اس کاغذ کو کالے کپڑے میں لپیٹ کر کالی ڈوری سے باندھ کر کسی ویران جگہ یا قبرستان میں دبا دیں۔ لکھائی مکمل کرنے کے بعد سے لے کر قبرستان میں دبانےتک کسی سے کلام نہ کریں۔ حروف صوامت کی زکوۃ قبرستان میں ادا کرنا بھی بہت زیادہ مؤثر ہے آپ کی زکوۃ مکمل ہو گئی، آپ عامل ہو گئے ، رب تعالیٰ کی بارگاہ میں دو رکعت شکرانے کے اداکریں اب روزانہ فقط 13 بار یہ حروف لکھتے رہیں اور یہ زکوۃ ایک سال کے لیے کارآمد ہے۔ روزانہ جس پر لکھیں اسے بھی کسی ویران جگہ یا قبرستان میں دبا دیں۔اگر کوئی شخص مسلسل 13 گر ہنوں تک حروف صوامت کی زکوۃ جاری رکھے تو وہ ہمیشہ کے لیے حروف صوامت کا عامل بن جائے گا اس کے بعد روزانہ پڑھنے اور زکوۃ ادا کرنے کی ضرورت نہیں۔زکوۃ ادا کرنے کا ایک طریقہ یہ بھی ہے کہ مذکورہ بالا طریقے کے مطابق گرہن میں زکوۃ ادا کریں اور اس کے بعد مسلسل 13 دنوں تک روزانہ 543 مرتبہ شرائط کے ساتھ لکھیں تو بھی حروف صوامت کے ہمیشہ کے لیے عامل بن جائیں گے ، البتہ ایک دن بھی ناغہ ہو گیا تو زکوۃ باطل ہو جائےگی۔ اس طرح زکوۃ مکمل ہونے کے بعد روزانہ 13 بار لکھنے کی بھی حاجت نہیں رہے گی۔ زکوۃ ادا کرنے کا ایک طریقہ یہ بھی ہے کہ ہر حرف صوامت کو مسلسل 28 دنوں تک 4444 مرتبہ لکھیں، ایسے نمبر وار ہر حرف کو اپنی اپنی منزل میں 28 دنوں تک 4444 دفعہ لکھیں اور 13حروف صوامت کو مکمل کرلیں، یہ زکاۃ حروف صوامت کی ہمیشہ کے لئے ہو گی، جس حرف سےچاہیں کام لے سکتے ہیں۔
