ی۔دینیات

زید تین مرتبہ کہنیوں سمیت ہاتھ دھونے کے بعد کہنیوں سے ہتھیلی تک پانی بہاتا ہے پھر تین مرتبہ چلو میں پانی لے کر کہنیوں تک بہاتا ہے تو اسطرح وضو کرنا کس قدر جائز یا نا جائز ہے ؟ دلیل کے ساتھ فتویٰ عنایت فرمائیں ۔

عورتیں وضو میں سر کا مسح کس طرح کریں؟ کیا مردوں کی طرح یہ بھی گدی سے ہاتھ پیشانی پر واپس لائیں؟

زید نے غصے کی حالت میں اپنی منکوحہ سے زیورات اور تین ماہ کا بچہ سمیت لےکر یہ کہا تجہے چاہیے کر ہمارے گھر نکل میرا تجھ سے کچھ واسطہ نہیں یہ کہہ کہ اپنے گھر سے نکال دیا۔ منکوحہ زید اپنے والدین کے گھرآکر عرصہ ایک سال کے رہی لیکن اس عرصہ دراز میں بھی باہم رجوع راضی نہ ہو سکے یعنی غصہ رفع نہیں ہوا بچہ بھی ماں کی جدائی سے زید ہی کے گھر فوت ہو گیا غصہ ہی کی وجہ سے زید نے تحریری طلاق دینے سے انکار کیا ہے۔ صورت مسئولہ میں اگر زید کی بیوی بد کاری کرے تو زید بھی گنہگار ہے کہ نہیں ؟ مذکورہ بالالفظوں سے منکوحہ زید کوطلاق ہوئی یا نہیں۔ وہ اپنا نکاح ثانی دوسرے سے کر سکتی ہے یا نہیں؟

خدیجہ زیدکے نکاح میں تھی پھر زید نے زبیدہ سے شادی کرنی چاہی تو بکر نے ایک اقرار نام مرتب کیا کہ اگر خدیجہ کو زید مکان پر لاکر رکھے توخدیجہ کومکان پہ لاتے ہی تین طلاق پڑ جائے اور اس اقرار نامہ پر زید کا دستخط مع چند گواہوں کے لے لیا۔ اب زید خدیجہ کو لا کر اپنے مکان میں رکھے ہوئے ہے اور اقرار نامہ کے بارے کی میں کہتا ہےکہ مجھے علم نہیں کہ اس میں کیا لکھا ہے بلکہ زید اور اس کے ہمنوا جو دستخط کر چکے ہیں وہ عدم علم پر حلف دینے کے لئے تیار ہیں اور بکر بحلف بیان کرتا ہے کہ میں حاضرین مجلس اور زید بلکہ اس کے ولی کو بھی اقرار نامہ سنانے کے بعد دستخط لیا ہوں۔ تو اس صورت میں خدیجہ پر طلاق واقع ہوئی کہ نہیں ؟

التماس ایں کہ حدیث قرطاس کے بارے میں آپ کے فتویٰ کا مطالعہ کیا بجز عبارت ذیل کے آپ نے بہت خوب تحریر فرمایا ہے وہ عبارت یہ ہے کہ ، محبوب خدا صلی اللہ تعالی علیہ وسلم کا ہر کام وحی الہی نہیں ہے تو یہ نص صريح وما ينطق عن الهوى ان هو الا وحی یوحی کے خلاف معلوم ہوتا ہے ۔ لہذا اس کے بارے میں اطمینان بخش مدلل جواب تحریر فرمائیں ۔ فقط

رئیسہ خاتون کے شوہر عبدالقدوس نے اپنی حاملہ بیوی کے بھائی کے پاس مندرجہ ذیل تحریر ہندی میں روانہ کی جو اردو میں نقل ہے ماسٹر! آپ اپنی بہن کو امرڈوبھا مت بھیجنا کیونکہ تمہاری بہن سے ہم سے کوئی واسطہ نہیں ہے۔ اور اب مجھے اپنے گھر والوں سے بھی کوئی مطلب نہیں ہے اور جو سامان ہے تھوڑا بہت آکر لے جانا کیونکہ ہمارے گھر والے استعمال مت کرتے پاویں جو کہنا سننا ہوگا اور کرنا ہوگا وہ عبد القدوس سے کہنا ۔ تحریر مذکور بالا بھیجنے کے بعد دوسرے دن اس نے ایک کاغذ پر یوں لگے کہ اپنی بیوی کے بھائی کے پاس بھیجا کہ رئیسہ کو طلاق دیتا ہوں پھر اس کے نیچے اپنا دستخط کیا۔ تیسرے دن پھر اپنے دستخط کے ساتھ تحریر بھیجی کہ رئیسہ کو طلاق۔ اب دریافت طلب یہ امر ہے کہ رئیسہ خاتون پر طلاق پڑی یا نہیں؟اگر اس کا شوہر رئسیہ کو رکھنا چاہے تو اس کی صورت از روئے شرع کیا ہے؟

عبدل نامی ایک شخص کا لڑکا گم ہو گیا تو عبدل کی بی بی مختلف شہروں میں اکیلی اپنے بچے کو ڈھونڈتی رہی چھ ماہ کے بعد واپس آئی تو اس کے شوہر نے ناراض ہو کر اسے اپنے گھر آنے نہ دیاوہ عورت اپنی شادی شدہ لڑکی کے گھر رہنے لگی گاؤں کے چند مکھیا لوگوں نے عبدل کو سمجھایا کہ تواپنی بی بی اپنے پاس لے آلیکن اس نے کہا آپ لوگ کیوں بار بار سفارش کرتے ہیں وہ عورت چھ مہینے تک غائب رہی اس کی عزت و آبرد کاکوئی ٹھکانہ نہیں ہے میں اسے کسی طرح قبول نہیں کروں گا۔ خدا کی قسم ہے میں اپنی بی بی سے بار بارہ ہزار بار توبہ کرتا ہوں اس طرف دیہات میں طلاق کی جگہ جاہل لوگ توبہ ہی بولتے ہیں پھر کچھ دن کے بعد اس نے اپنی بی بی سے تعلقات وابستہ کی اور ایک لڑکا بھی پیدا ہوا اور جب گاؤں والوں نے اس معاملہ میں گرفت کیا تو اس نے اقرار کیا ہے کہ شریعت کا جو حکم ہوبتائیے میں اس پر عمل کرنے کو تیار ہوں۔اب دریافت طلب یہ امر ہے کہ اس شخص کے لئے شریعت کا کیا حکم ہے تفصیلی بیان فرما کر شکریہ کا موقع عنایت فرمائیں۔ فقط بینوا توجروا

زیداپنی بیوی ہندہ مدخولہ سے کسی بات پر جھگڑ رہا تھا اور اس نے اسی درمیان اپنی بیوی سے یہ بھی کہا کہ خدا کی قسم میں تجھے طلاق دیدوں گا، دیدوں گا، دیدوں گا اور چوتھی مرتبہ اس نے کہا جا میں نے تجھے طلاق دے دیا تو ہندہ پر طلاق واقع ہوئی یا نہیں ؟

ہندہ کے گھر والوں نے ایک طلاق نامہ مرتب کر کے اس کے شوہر زید کو مار پیٹ کی دھمکی دے کے
مجبور کیا اور طلاق نامہ پر دستخط کرالیا تو اس صورت میں طلاق واقع ہوئی یا نہیں ؟

زید نے اپنی زوجہ منکوحہ ہندہ کو شادی سے لیکر عرصہ کئی سال تک رخصت نہیں کروایا اور خود شرابی بھی ہے ہندہ کے والدین نے زید کو بلاکر کہا کہ میری لڑکی کو رخصت کروانے کا انتظام کر کے لے جاؤ اگرنہ لے جانا ہو تو طلاق دیدو۔

زید نے بایں الفاظ وعدہ کیا کہ میں اپنی شراب نوشی کی عادت چھوڑ دوں گا اور ہندہ کے رہنے کے لئے گھر کا انتظام کر لوں گا اور سر جنوری سے قبل رخصت کروالوں گا اگر ایسا نہ کر سکوں گا تو اس جنوری کو تین بار طلاق سمجھا جائے۔

اب جبکہ اپنا وعدہ پورا نہ کر سکا اور نہ ہی خسر کے یہاں آیا۔ کیا الفاظ مذکور سے طلاق واقع ہو گئی ؟

ہندہ کا عقد نابالغی میں ہوا تھا اور اب بالغ ہے مگر عقد سے اب تک زید کے گھر نہیں گئی ہے۔ ایسی صورت میں عدت ہے یا نہیں ؟ بیان فرما کر عنداللہ ماجور ہوں۔