گناہ کبیرہ کا بیان

ہمارے یہاں جائداد کی تقسیم شرعی طور پر نہیں ہوتی ہے،لڑکی کو حصہ نہیں دیا جاتا،بیوہ کی صرف پرورش ہوتی ہے حصہ نہیں ملتا ہے۔یہ رائج ہی نہیں ہے تو شرعی حصہ نہ لینے اور نہ دینے پر امامت کے لئے کیا حکم ہو گا جبکہ اکثر حضرات الا ما شاء اللہ اس فعل میں ملوث ہوں گے۔

ہمارے یہاں ایک خاندان آباد ہے جو پشت در پشت اپنے آپ کو شیخ کہتا رہا اور زکوٰۃ وخیرات کھاتا رہا اسی خاندان کے ایک نوجوان شخص نے کچھ پڑھ لیا تواب وہ اپنے آپ کو سید کہنے اور لکھنے لگا جو منع کرنے پر نہیں مانتا اور کہتا ہے کہ ہم سید ہی ہیں حالانکہ اسکے پاس سید ہونے کا کوئی ثبوت نہیں اور گاؤں کےبڑے بوڑھوں کا بیان ہے کہ یہ شیخ ہیں اور ساری رشتہ داریاں ان کی شیخ برادری میں ہیں کوئی سید ان کا رشتہ دار نہیں ہے۔وہی شخص مذکور بر وقت گاؤں کے مکتب کا مدرس مقرر ہوا ہے جو مسجد کی امامت بھی کرتا ہے تو ایسے شخص کے پیچھے نماز پڑھنا جائز ہے یا نہیں؟

زید نے اپنی خوشی سے پیسےکی لالچ میں نسبندی کرالی تو زید کے پیچھے نماز پڑھنا اور اس پر جنازہ کی نماز پڑھنا کیسا ہے؟اور زید اگر نماز کی صف میں داخل ہو تو لوگوں کی نمازوں میں کچھ خلل واقع ہوگا یا نہیں؟

جو شخص سنی صحیح العقیدہ ہو مگرمندرجہ ذیل باتوں کا مرتکب ہو اس کے پیچھے نماز پڑھنا کیسا ہے؟
اور خود اس کی نماز کا کیا حکم ہے؟
۔(1) حالت سجدہ میں پاؤں کی انگلیوں میں سےکم سے کم تین انگلیوں کے پیٹ زمین سے نہ لگاۓ
۔(2)قمیص یا کرتےکے بٹن خصوصا سب سے اوپر والا حالت نماز میں کھلا رکھے۔
۔(3)جس قمیض یا کرتے کی آستین بٹن والی ہو حالت نماز میں اس کے بٹن نہ لگائے.
۔(4) حالت نماز میں چین والی گھڑی باندھے ۔
۔(5) دیو بندی عقیدہ والوں سے سلام اور رد سلام کرے بلکہ کبھی کبھی ایسوں کے پیجھےنماز بھی ادا کرے

زید بکراور عمر تین بھائی ہیں اور تینوں نے بانٹ لیا ہے۔مگر ایک ہی مکان میں رہتے ہیں ایک ایک کمرہ اور تھوڑا تھوڑا برآمدہ ہر ایک کےحصہ میں ہے لیکن تینوں کا آنگن ایک ہی ہے کوئی دیوار یا ٹاٹی بیچ میں حائل نہیں اور نہ آپس میں کسی قسم کاجھگڑا فساد رہتا ہےتینوں میل جول سے رہتے ہیں زیدکی خالد سے بظاہر دوستی ہے خالد کو ساتھ لیکر اکثر اپنے گھر بیٹھا باتیں کیا کرتا ہےاورکبھی کبھی خالد بھی اس کے گھر زید کی غیر موجودگی چلا جاتا ہےاور بیٹھ جاتا ہے مگر تنہائی میں نہیں بیٹھتا ہے خالد عالم دین ہےاور امامت بھی کرتا ہے مگر گاؤں کے کچھ لوگوں کا کہنا ہے کہ خالد زید کے گھر جا کر زید کی غیر موجودگی میں بیٹھ جاتا ہےاس وجہ سے اس کے پچھے نماز پڑھنا درست نہیں ہے

اور خالد کو کچھ لوگوں نے روکا کہ زید کے گھر مت جاؤ تو خالد نے کہا کہ اب نہیں جائیں گے اور نہیں جاتا ہے تو خالد کے پیچھے نماز ہوگی یا نہیں۔

زیدجو کہ مسجد کا امام ہے وہ ایک غیرمحرم عورت ہندہ کے ساتھ تنہائی میں کھلم کھلا اٹھتا بیٹھتا ہےاور اپنی بیوی کے ساتھ بدسلوکی سے پیش آکر اپنی کم سن بچیوں کو چھین کر ایک غیر محرم مرد کے ساتھ اس کے لیے بھیج دیا ہے۔
زید نے آج تین سال سے اپنی بیوی کا حق جو کہ شریعت مطہرہ کا قائم کردہ ہےقطعی طور پر ادا نہیں کیا۔اور اس سے بولنا چالنا اس کے ساتھ اٹھا بیٹھنا بالکل ترک کر دیا ہے۔اج قریب 15 دن سے زید کی بیوی اپنے میکے مجبور ہو کر گئی ہےجب یہ معاملہ زید نے اپنی بیوی کےساتھ کیا تو اس کے والدین زید کے پاس ائے اور پوچھا کہ تم نے یہ کیا کیا اورتم یہ کیا کرتے ہو تو اس پر زید نے انھیں جواب دیا کہ وہ ہمارے مصرف کی نہیں۔
۔ہم اس کو نہیں رکھیں گے ہم اس کے ذمہ دار نہیں ہیں مجبور ہوکر اس کے والدین واپس چلے گئے یہ ہے زید امام کا کارنامہ لہذا ہم عوام الناس جو کہ امام کےمقتدی ہیں ایسی صورت میں ہم عوام الناس ایسےامام کے پیچھے نماز پڑھیں یا نہ پڑھیں؟اگر پڑھیں تو نماز ہوگی یا نہیں ہوگی جو شریعت مطہرہ کاحکم ہے بیان فرما کر عند اللہ ماجور ہوں۔ اور ہم تمامی مسلمانوں کی رہبری فرمائیں۔

جو ماسٹر نسبندی نہیں کراتا ہے اسے میسا کے تحت جیل جانا پڑے گا ان حالات کے پیش نظر زید نے مجبور ہو کر نسبندی کرا لی اب نسبندی کرانے کے بعد زید ذلیل نگاہوں سے دیکھا جائے گا کیا اس کی امامت و اذان واقامت وغیرہ جائز ہے؟

اگر ایک مرد نے ظاہر عورت کو بغیر نکاح کے گھر میں رکھا ہے کیا اس شخص کا ذبیحہ کھانا درست ہے یا نہیں۔