شفہ (ہونٹ)
(1) خواب میں لب دیکھنا آدمی کی باعث فخر مد و بیان میں قوت یا ایسے دوست کی دلیل ہے جو اس کے لئے باعث زینت ہو۔ اوپر والا ہونٹ نیچے والے ہونٹ سے تعبیری لحاظ سے بہتر ہے اوپر والا ہونٹ ایسے دوست کی علامت ہے کہ جس پر تمام باتوں میں بھروسہ کیا جا سکے۔ پس کسی بھی ہونٹ میں تبدیلی رونما ہو تو اس کی تعبیر اسی اصول کے مطابق ہوگئی، ہونٹوں کا دیکھنا عورت اولاد اور قرابت داروں کی دلیل ہے۔ (۲) اگر کسی آدمی نے دیکھا کہ اس کے ہونٹوں میں درد ہے تو یہ دلیل ہے اسکے دوستوں کا معاملہ اس کی منشاء کے مطابق نہ ہوگا۔ (۳) اگر کسی نے دیکھا کہ اس کا ہونٹ کٹا ہوا ہے تو یہ اسکے طعنہ زن ہونے کی دلیل ہے ۔ (۴) اگر اس کا نیچے والا ہونٹ کٹا ہے تو دلیل ہے کہ اس کا معاون دوست اُس سے جدا ہو جائے گا۔ (۵) اگر دیکھا کہ اس کا اوپر والا ہونٹ نہیں ہے تو زوال نعمت کی دلیل ہے اور نیچے والے ہونٹ کا زائل ہوتا دیکھے تو اس کی بیوی مر جائیگی یا اسے طلاق دے دے گا۔ (۶) اگر صاحب خواب نے اپنا اوپر والا ہونٹ چرا ہوا دیکھے تو دلیل ہے ہونٹ جس ایک پر دلالت کرتا ہے وہ دو ہوں گے پس نیچے والے ہونٹ کا پھٹنا دو عورتوں کی دلیل ہے ۔ (۷) اگر اوپر والا پھٹا ہے یہ دو دوست ہیں۔ اگر ہونٹ ٹھیک ہو گیا تو دلیل ہے کہ اس کے دونوں دوست اس کے امور میں اس کی موافقت کریں گے ۔ (۸) اور اگر کٹ گیا تو اس کا دوست اسے داغ مفارقت دے گا اور قطع تعلقی کرے گا۔ ہونٹ آدمی کی قوت اور زینت ہے۔ نیز یہ قرابت اور بیماریوں سے شفایابی کی بھی دلیل ہے۔ حاسدوں کے ذلیل و خوار ہونے اور دل کو قرار دینے والی خبروں کی علامت ہے۔ بعض مرتبہ دونوں ہونٹوں کی دلالت حجاب لڑکوں پہرے داروں دروازوں اور تالوں پر ہوتی ہے اور بعض مرتبہ علم ہدایت کھانے پینے کشادگی غم اور کتمان راز کی دلیل ہے۔ (۹) جس نے دیکھا کہ اس کے دونوں ہونٹ موجود نہیں ہیں تو ان مذکورہ میں سے کسی ایک کے مفقود ہونے کی یا دروازہ گر جانے کی یا تالا بند کرنے کے متعزر ہونے کی یا چابی گم ہو جانے کی دلیل ہے اور بعض مرتبہ اس کی تعبیر والدین یا زوجین کی موت ہوتی ہے ان کا سرخ ہونا فصاحت ہدایت پاکیزہ کھانے پینے اور خوشیوں کی دلیل ہے ۔ (۱۰) ہونٹوں کا موٹا ہونا بوجھل ہونا سیاہ ہونا نیلا ہونا بے وقوفی خصومت میں عدم قیام دلیل اور پریشان کن کسب کی علامت ہے ۔ (11) بعض مرتبہ ہونٹوں کا سیاہ ہونا یا نیلگوں ہونا مریض کے حق میں اس کی موت کی علامت ہے۔ چونکہ یہ علامات موت میں سے ہیں۔ (۱۲) بعض مرتبہ ہونٹوں کا آپس میں ملنا دلالت کرتا ہے آنکھوں پر کھلنے اور بند ہونے میں مشابہت کی بنا پر ۔ اور بعض مرتبہ ہونٹ دلالت کرتے ہیں فرج پر دخول اور خروج کی مشابہت کی بناء پر اور بعض مرتبہ اس کی تعبیر نہر کے کنارے ہوتے ہیں، اور بھی دلالت کرتے ہیں چوتڑوں پر کنواں ڈھکنے اور اس طرح کی دوسری باتوں پر
خوذة (خود)
(1) خواب میں خود دشمن سے بے خوف ہونے مال بیوی خدمت اور سفر کی دلیل ہے۔ (۲) سفید خودسر کے محفوظ ہونے یا خوف سے امن میں ہونے کی یا پھر سردرد میں مبتلا ہونے کی دلیل ہے۔ (۳) جو شخص سر پر ڈھال دیکھے تونقصان سے حفاظت کی دلیل ہے ۔ (۴) اگر خود قیمتی ہے تو مالدار خوبصورت عورت اور اگر قیمتی نہیں ہے تو بری عورت کی دلیل ہے۔ (۵) جو شخص اپنے سر اپنے سر پر لوہے کا خود دیکھے تو بلند مرتبہ کے حصول کی دلیل ہے۔ (۶) خود سے ایسا آدمی بھی مراد ہوتا ہے جو پہننے والے سے برائیوں کو دور کرے۔ (۷) خود شادی شدہ کے لئے ولایت غیر شادی شدہ کے لئے
قوت والی ہو اور دشمن پر غالب آنے والی بیوی ہے۔
خانی ( ہوٹل سرائے والا )
خواب میں اسکودیکھنا وعدہ خلافی اور خیانت پر دلالت کرتا ہے اور کبھی مریض کی موت پر بھی دلالت کرتا ہے اس لئے کہ یہ مسافر کا گھر ہے اور اسکی رویت تھکاوٹ کے بعد راحت پہنچنے کی بھی علامت ہوتی ہے اور کبھی وحشت کے بعد مانوسیت پر بھی ہوتی ہے۔
خان (دکان سرائے)
(۱) خواب میں کرایہ کے لئے بنایا گیا ہوٹل یا دکان دیکھنا متعہ کے طریقے پر شادی کرنے کی علامت ہے۔ (۲) کبھی اسکی دلالت کرائے کے مکان یا سواری پر بھی ہوتی ہے اور کبھی اسکی تعبیر زمین اور ملبوسات پر بھی ہوتے ہیں ۔ (۳) کسی مریض کا خواب میں سرائے یا ہوٹل میں اترنا اسکے مرنے کی علامت ہے اور کبھی یہ خواب زوال غم یا تنہائی کے بعد بیوی کے ساتھ ملنے یا باندی کے ساتھ اکٹھے ہونے یا سواری پر سوار ہو کر وحشت کو دور کرنے یا ایسی چیز ملنے کی دلیل ہے جو محنت و کوشش میں معاون ہو۔ (۴) اگر صاحب خواب شادی شدہ ہو تو یہ ہنر میں معاون بننے والے راحت بخش بچے کی علامت ہے۔ (۵) گناہ گار کے لئے یہ خواب دلیل تو بہ ہے ۔ (۶) گمراہ کے لئے بشارت ہدایت اور دلیل تکمیل ایمان ہے ۔ (۶) آدمی کے ذاتی ہوٹل کی دلالت ان چیزوں پر ہوتی ہے جن پر گھر کی دلالت ہوتی ہے مثلا اس کا جسم نام بزرگی موت مجلس قضا و غیره چنانچہ ہوٹل میں کمی زیادتی مذکورہ چیزوں میں کمی زیادتی اور تغیر و تبدل کی علامت ہے۔ (۷) مجہول ہوٹل کی دلالت سفر پر ہوتی ہے اس لئے کہ ہوٹل مسافروں کی اتر گاہ ہے اور کبھی اسکی تعبیر دار دنیا سے ہوتی ہے اس لئے کہ دنیا کی طرح ہوٹل بھی دار سفر ہے ایک چلا جاتا ہے دوسرا اس میں داخل ہوتا ہے۔ (۸) کبھی اسکی دلالت قبر پر ہوتی ہے اس لئے کہ اپنے وطن اور گھر سے نکلنے والوں کے لئے منزل ہے۔ (۹) خواب دیکھا کہ وہ ایک ہوٹل میں ہے وہاں سے دوسرے ہوٹل میں داخل ہورہا ہے اور اس سے نکلتے وقت سواری پر سوار ہوا یا اس کے درمیان سے نکلا تو صاحب خواب اگر مریض ہے تو دلیل ہے لوگ اس کو اٹھا کر لے جائیں گے۔ اگر مسافر ہے تو وہ جس مقام
میں ہے وہاں سے اس کے کوچ کرنے کی علامت ہے۔ اس طرح لوگوں کا اپنے ساتھیوں کو کسی مجہول ہوٹل میں سواری سے اترتے دیکھنے کی تعبیر ہے ۔ (۱۰) ہوٹل میں داخل ہونا لوگوں میں صاحب رائے ہونے کی علامت ہے۔